الرئيسية
أحدث الصور
سلام عليكم
بثواب العزيز , فد طاسة ماي بارد.. هاذ الزاير نشف ريجي .... أيـــ رحمة لهذاك الجد المات بحسرة الكونياك
شنهي ؟؟ ولكم ما أسمع زين .. ؟؟ الزاير شمالة ؟, خايبين دخلوني أشرب الماي و أثني الوسادة من حيث ركبتي سايفة و ما بيـّاش أثنيهة و تجيكم السالفة
أيـ ,, نرد لسالفة الزاير ,, الزلمة اليوم كاظ عركجية البالتوك .. آنة كلت لرويحتي , خالي الزاير راح يحط إيده على العلة ... بلاكت زايرنا شرج و غرب و ما فوخـّاني !!!
ليـش ؟؟ ..... آنة أكلكم ليش
زاير يا بعد خالك , الوادم ما سامعة بحديث ( إذا أبتليتم فأستترو ) , والأطكع أنه سكارى البالتوك ما يشوفونهة فشلة و كسرة وجه يو صارو مضحكة يومية بالبالتوك ,, عباد الله يمكن تأمركت و تهلندت و تفرنست و تبلجكت و تسودنت ( نسبة للسويد و للتسودن و الخبال !!) وطاحت الكطرة من كصتهم !!
و من حيث هم عراقيين و قلوبهم موجـّرة , ما يصير نوليهم ولية بالبالتوك , يا خالي الله ما يرضاهة , يطفرون من الجلد بيد القاعدة و جيش المهدي , هنوب أنت تجلدهم بالبالتوك ؟!!!!!
هاي الأولى .. والثانية يا بوية , ياهو اليطكلة بيك , يرد قلبه خضـَر و يغازل الرايح و الراد بالبالتوك !!! هاي الغاثتك يـ زاير ؟؟؟؟ عجيــــــــب
يا بعد خالك , هاي هماتين تهون , من حيث الزلمة من هذول, يتراوالة روحة ليوناردو دي كابريو بعد البيك الثاني !! وكل صوت نسائي يسمعنة ,, كل تيكست وردي يشوفنّه , يتخايل انجيلينا جولي , مكابلته و كاعدة ,, وهاي هماتين مووش الطركاعة
خايب شمالك ؟؟ د كعد يا بوية ,,, شنهي؟؟؟ هم طبكن عندك و نفضت عباتك و كمت .... زايرنا , أصبر خلني أخلص سالفتي .. خوية أدريك نشمي و ما ترضى بالفاينات , د هوّد يا سالم الراس واسمعني , البنت الأحديثة يو المرة الثجيلة العاجلة ما ينخاف عليهة من صاحي يو سكران بالبالتوك ,, الشغلة و ما بيهة , تشيل شحاطة البلوك و الدليت ( أجلك الله ) و تلزكه للمراهق على عينة و كفى الله المؤمنين شر مقالات الزاير !!
الطركاعة العظمى و ( ثالثة الأثافي ), لمـّا يرتقي السكارى منابر المناضرات الدينية و السجالات الطائفية وهمة عابرين البيك الثاني !!! لاا خوية لااااااا ,,, أنت حسبالك واحدهم يشرب ( أوسكي ) من هذا التكول ذهب تيزاب , ماركة ( يردس حيل الما شايفهة ) ؟؟ يو يتزقنب جن انكريزي علامة ( جـا وين أهلنة ) ؟؟ لا خوية ... و لا حتى عرك عصرية أبو العتـّة, ماركة ( ما أندل دلوني ) .... خوية كفيلك سيد حمد الله و سيد مالك و سيد زيـّان, تراهم ( أضخن ) شارب بيهم , يقرة الديك و حمارو بثاني قوطية بيرة بافاريـّة, من هاي التتمضمض بيهة عجايز ألمانيا و هنَّ رايحات للـ جيـم و الـ ( أضخن ) منة يصير نحباني لـلـّو بكلاصين واين احمر , من هاذ التتمزمز أي مراهقة استرالية بست كلاصات منه قبل العشة !!
جـا شنهي ؟,, أنت حسبالك واحدهم يوم اليهتف , شاربله تنكر سبيرتو ؟؟؟؟ لا بوية ,, كل الإخليفات و العليوات والبوخة و الدوخة و لعبان النفس من ورة بطلين بيرة و كلاصين واين
خلونة نرد للطركاعة التكسر الظهر
زايرنا , بحضك وبختك .. أبو الحسنين علي و أبو حفص بن الخطاب و جعفر الصادق و أبو حنيفة النعمان و آل البيت و الصحابة و الأولياء (سلام الله و رضوانه عليهم ) , محتاجين يوكلـّون هذولة السكارة السرابيت المساليت محامين عنهم ؟؟ ودعاة لمنهجهم و ناشرين لسيرتهم الشريفة العطرة ؟؟؟
يا وجوه الخير , أبو المثل يكول : يو طعمت أشبـِع و يو ضربت أوجع !! يا جماعة خالكم بسمار يريد يحجي بالقلم العريض ويوجع .... وينك وليدي برغي , ناوشني الصخرية و فـزّع الزلم ,, من حيث يو صارت وليـة مخانيث ,,,أبوك حجي بسمار ما ينوخذ غفل !!!
ولو آنة أهوس دوم : ضيف الزاير ما ينظام ..أسمع يلعايل
أيــــــــــه ,, أسمع يا بعد خالك ,, رايح أنقلك مثال عن محاورة فقهاء , مطوّطين و عابرين البيك الثاني , و حتى لا يطلعلنة واحد يبيع براسنة أخلاق , رايح أشوش على كل جلمة فاينة ( أعزكم الله ) تجي بالحوار العقائدي بأشارة : طوووووووووووووووووط , مثل البرامج اللي يشوشون صوتهة من تطلع بيهة شتايم من الصرة فما دون !!
.................................
الأول , ( سـنّي كلشش ) , أبوه مات بحسرة كلاص عرك سوس من ذنّون المصلاوي , فجـّة معووج, لتكول طاكة شرجي , كاظ المايك , يتريع ويهتف :
- يا رافضي , يا أبن المتعة يا اخ الـ طووووووووووووووووووووووط , أنتو تحجون على سيدنا عمر أبن الخطاب و .. ( بعـّد وجهة من المايك و دردم على أبنة : ولك جوز من الباكلـّة !! ورجع يهتف ) .. عمر اللي كال عنه الرسول لو كان من نبي بعدي لكان عمر و كال عنه سيدنا أبو بكر ( ولك اركض طلع القواطي من الفريز , راح يجرشن !!) لولا ابن الخطاب لضاع الدين و أنتو يا اتباع عبد الله بن سبأ يا ولد الـ طووووووووووووووط ,تطعنون بيه و الخ الخ الخ
أستلم المايك بعده ( شيعي هينوب ) أبوه مات بحسرة كلاص زبيب من حجي زبالة , مطوّط و لازمته الشهيّكة, يخنخن و لسانة ثكيل و عاط بيه :
- يا ناصبي يا طوووووووووط يا ابن المسيار, شلون صحابي هذا الكسر ضلع الزهرة ؟؟ ( وغطى المايك بيده و اندار على مرته: ولج يا جاجيك ؟ قابل دا اشرب عرك ؟ هوة واين ) نعم ,, الزهرة و ما ادراك مالزهراء ؟؟ هاي اللي قال عنهة الرسول فاطمة مني و ( ما اريد حمص بطحينة , لا تثبريني ) وعمر طكّاهة بالباب و طيح الجنين و .....
رجع ( السائر على خطى السلف الصالح !!) أستلم المايك و حس طكة قوطية البيرة الجديدة يهلهل :
- لك انتو يا ولد الـ طوووووووووط , تهينون سيدنا علي برواية اسقاط الجنين الكاذبة , شلون علي يسكت على عمر ؟؟ والله لو صدك هاي الحادثة صايرة كان انكلبت الــ ( انكلبت البيرة على الكي بورد !! دير بالك زمال !!), وأجتمعت الأمة بالسقيفة و أختارت أبا بكر و ( فضوهة عاد , مسحو الميز و شيلو القواطي الفارغة , خلونا نلغي !! ) و انتهى الخلاف ...
قمز ( الموالي لآل البيت ) وخمط المايك و سمعنا رنة الكلاص وهو ينردم بالبطل و بعدين زأر و هو كوّة يبلع ريكة :
- ولك النبي يكول منزلة علي مني كمنزلة هارون من موسى , و بالغدير كل الصحابة بايعو علي بن ابي طالب و عمر نفسه كال لأبنه عبد الله ( أبني , خلّي أمك تحميلي العشا )!! يا بني أن عليـّا أحب الخلق لرسول الله ,, بعد يا سقيفة تسولف عليهة ؟؟ بيعة الغدير قبل السقيـ
انخمط المايك من الموالي و ما سمعنا الا ضحكة السلفي وهو يرد :
- الغديـر قبل بغداد الجديدة !! هعهعهعهعهاااااااااع ,, اخ الـ طووووووووط , صفوي نجس ,, يا غدير يا بطيخ ؟؟ المهاجرين و الأنصار بالسقيفة , كلهم مدو أيدهم ( واللي يمد أيده على الجرزات اكسرهة , يللة كومو منا ) وبايعو الصديق - تريوعة - ,, تسمع ولك ؟؟ كلهم المهاجرين و الانصار ....
الموالي التقي , دخنت عيونة و ما كدر يخمط المايك ,, أستلم التيكست :
- يا ناصبي يا قذر يا ابن الـ طوووووووط ,, يا أنصار هذولة ؟؟ بس لا أنصار الحزب الشيوعي ؟؟ خخخخخخخخخ , يكول أنصار أبو خنّينة ,, أبوك على امك الـ طوووووووووووووط ,على ابو السعوديين عمامك ,, روح سولف قصة البيعة لمرتك الكندية !!!
وهذاك السلفي الورع بعده سايك بالمايك :
أمك على اختك الطووووووووط على اخت الأيرانيين رياجيل أمك الـ طوووووووووووووووووووط , عودين سوي (بارتي) لمرتك الدنماركية بيوم الغدير
وأستمر النقاش الهادئ في جو ملؤه المحبة و التسامح و اشترك فيه كل السكارى من اتباع السلف الصالح و موالي ال البيت الطاهرين وكان المشجعون من سنة السعودية و الكويت و شيعة البحرين و لبنان يتسابقون في هتك أعراض العراقيات سنيـّاتهن و شيعيـّاتهن !!! و(الأخوة) في الوطن من ديانات أخرى , يتضاحكون و يعلـّقون على التيكست شامتين وكأن الأمر لا يعنيهم !! , بينما كان البانر يزهو بشعار
أخوان سنة و شيعة ,, هذا الوطن منبيعة !!!!!!!!!!
وعار اخوته , الأونر و صبيانه الآدمنية , سعدااااء جداً بتسلق غرفتهم لقائمة الغرف الأكثر عدداً .... عادي , لا غيرة و لا غرغرة
ــــــــــــــــــــــــــــــــــــــــــــــ
يا جماعة الخــــــــير , يعني خالكم بسمار يو عاف السكارى التخرط بالسياسة و الغزل و الحرشة بالبرايفت , ونعل سلفة سلفاهم لهذولة الطوووووووووووووووووووووووط ولد السـطّعش طوووووووط , اللي تطاولو على نبل و طهارة و شرف الأسماء الخالدة اللي ذكروهة بأفواههم النتنة ... وسمحو لنفسهم و لسرابيت ولقطاء الدول المجاورة بنهش أعراضنا ,, هماتين أحد يزعل عليـّة ؟؟ هماتين يطلعلي سربوت يبيع براسي اخلاق ويكلي لالة ؟؟ هم تشتغل المزايدات وأدعاء الحرص على شرف ( الكندية ) و ( الدنماركية ),, وطز بالعراقيات اللي استلموهن مربعتين التيوس ازواج الكندية و الدنماركية ؟؟؟؟؟؟؟؟؟!!!!!! هماتين راح تصير استعراضات للغيرة و الشهامة على اللبنانية نادين و السعودية لولوة ؟؟ و طز بزينب البصراوية و خديجة المصلاوية ؟؟!!!!!!!!
ما أظنـّن منصف , صاحب غيرة يزعل على حجي بسمار , واليزعل يزعل و آنة غلام أبوي
خالي الزاير هسة عرفت ليش كلتلك مراهقي البيك الثاني و محللين سياسة التبولة واللبلبي يهونون ؟؟؟؟
ولنا عودة , إذا ما دكـلي أدمن الجدار أغنية : يا مسربتني و ...... لزّمني الباب !!!
بثواب العزيز , فد طاسة ماي بارد.. هاذ الزاير نشف ريجي .... أيـــ رحمة لهذاك الجد المات بحسرة الكونياك
شنهي ؟؟ ولكم ما أسمع زين .. ؟؟ الزاير شمالة ؟, خايبين دخلوني أشرب الماي و أثني الوسادة من حيث ركبتي سايفة و ما بيـّاش أثنيهة و تجيكم السالفة
أيـ ,, نرد لسالفة الزاير ,, الزلمة اليوم كاظ عركجية البالتوك .. آنة كلت لرويحتي , خالي الزاير راح يحط إيده على العلة ... بلاكت زايرنا شرج و غرب و ما فوخـّاني !!!
ليـش ؟؟ ..... آنة أكلكم ليش
زاير يا بعد خالك , الوادم ما سامعة بحديث ( إذا أبتليتم فأستترو ) , والأطكع أنه سكارى البالتوك ما يشوفونهة فشلة و كسرة وجه يو صارو مضحكة يومية بالبالتوك ,, عباد الله يمكن تأمركت و تهلندت و تفرنست و تبلجكت و تسودنت ( نسبة للسويد و للتسودن و الخبال !!) وطاحت الكطرة من كصتهم !!
و من حيث هم عراقيين و قلوبهم موجـّرة , ما يصير نوليهم ولية بالبالتوك , يا خالي الله ما يرضاهة , يطفرون من الجلد بيد القاعدة و جيش المهدي , هنوب أنت تجلدهم بالبالتوك ؟!!!!!
هاي الأولى .. والثانية يا بوية , ياهو اليطكلة بيك , يرد قلبه خضـَر و يغازل الرايح و الراد بالبالتوك !!! هاي الغاثتك يـ زاير ؟؟؟؟ عجيــــــــب
يا بعد خالك , هاي هماتين تهون , من حيث الزلمة من هذول, يتراوالة روحة ليوناردو دي كابريو بعد البيك الثاني !! وكل صوت نسائي يسمعنة ,, كل تيكست وردي يشوفنّه , يتخايل انجيلينا جولي , مكابلته و كاعدة ,, وهاي هماتين مووش الطركاعة
خايب شمالك ؟؟ د كعد يا بوية ,,, شنهي؟؟؟ هم طبكن عندك و نفضت عباتك و كمت .... زايرنا , أصبر خلني أخلص سالفتي .. خوية أدريك نشمي و ما ترضى بالفاينات , د هوّد يا سالم الراس واسمعني , البنت الأحديثة يو المرة الثجيلة العاجلة ما ينخاف عليهة من صاحي يو سكران بالبالتوك ,, الشغلة و ما بيهة , تشيل شحاطة البلوك و الدليت ( أجلك الله ) و تلزكه للمراهق على عينة و كفى الله المؤمنين شر مقالات الزاير !!
الطركاعة العظمى و ( ثالثة الأثافي ), لمـّا يرتقي السكارى منابر المناضرات الدينية و السجالات الطائفية وهمة عابرين البيك الثاني !!! لاا خوية لااااااا ,,, أنت حسبالك واحدهم يشرب ( أوسكي ) من هذا التكول ذهب تيزاب , ماركة ( يردس حيل الما شايفهة ) ؟؟ يو يتزقنب جن انكريزي علامة ( جـا وين أهلنة ) ؟؟ لا خوية ... و لا حتى عرك عصرية أبو العتـّة, ماركة ( ما أندل دلوني ) .... خوية كفيلك سيد حمد الله و سيد مالك و سيد زيـّان, تراهم ( أضخن ) شارب بيهم , يقرة الديك و حمارو بثاني قوطية بيرة بافاريـّة, من هاي التتمضمض بيهة عجايز ألمانيا و هنَّ رايحات للـ جيـم و الـ ( أضخن ) منة يصير نحباني لـلـّو بكلاصين واين احمر , من هاذ التتمزمز أي مراهقة استرالية بست كلاصات منه قبل العشة !!
جـا شنهي ؟,, أنت حسبالك واحدهم يوم اليهتف , شاربله تنكر سبيرتو ؟؟؟؟ لا بوية ,, كل الإخليفات و العليوات والبوخة و الدوخة و لعبان النفس من ورة بطلين بيرة و كلاصين واين
خلونة نرد للطركاعة التكسر الظهر
زايرنا , بحضك وبختك .. أبو الحسنين علي و أبو حفص بن الخطاب و جعفر الصادق و أبو حنيفة النعمان و آل البيت و الصحابة و الأولياء (سلام الله و رضوانه عليهم ) , محتاجين يوكلـّون هذولة السكارة السرابيت المساليت محامين عنهم ؟؟ ودعاة لمنهجهم و ناشرين لسيرتهم الشريفة العطرة ؟؟؟
يا وجوه الخير , أبو المثل يكول : يو طعمت أشبـِع و يو ضربت أوجع !! يا جماعة خالكم بسمار يريد يحجي بالقلم العريض ويوجع .... وينك وليدي برغي , ناوشني الصخرية و فـزّع الزلم ,, من حيث يو صارت وليـة مخانيث ,,,أبوك حجي بسمار ما ينوخذ غفل !!!
ولو آنة أهوس دوم : ضيف الزاير ما ينظام ..أسمع يلعايل
أيــــــــــه ,, أسمع يا بعد خالك ,, رايح أنقلك مثال عن محاورة فقهاء , مطوّطين و عابرين البيك الثاني , و حتى لا يطلعلنة واحد يبيع براسنة أخلاق , رايح أشوش على كل جلمة فاينة ( أعزكم الله ) تجي بالحوار العقائدي بأشارة : طوووووووووووووووووط , مثل البرامج اللي يشوشون صوتهة من تطلع بيهة شتايم من الصرة فما دون !!
.................................
الأول , ( سـنّي كلشش ) , أبوه مات بحسرة كلاص عرك سوس من ذنّون المصلاوي , فجـّة معووج, لتكول طاكة شرجي , كاظ المايك , يتريع ويهتف :
- يا رافضي , يا أبن المتعة يا اخ الـ طووووووووووووووووووووووط , أنتو تحجون على سيدنا عمر أبن الخطاب و .. ( بعـّد وجهة من المايك و دردم على أبنة : ولك جوز من الباكلـّة !! ورجع يهتف ) .. عمر اللي كال عنه الرسول لو كان من نبي بعدي لكان عمر و كال عنه سيدنا أبو بكر ( ولك اركض طلع القواطي من الفريز , راح يجرشن !!) لولا ابن الخطاب لضاع الدين و أنتو يا اتباع عبد الله بن سبأ يا ولد الـ طووووووووووووووط ,تطعنون بيه و الخ الخ الخ
أستلم المايك بعده ( شيعي هينوب ) أبوه مات بحسرة كلاص زبيب من حجي زبالة , مطوّط و لازمته الشهيّكة, يخنخن و لسانة ثكيل و عاط بيه :
- يا ناصبي يا طوووووووووط يا ابن المسيار, شلون صحابي هذا الكسر ضلع الزهرة ؟؟ ( وغطى المايك بيده و اندار على مرته: ولج يا جاجيك ؟ قابل دا اشرب عرك ؟ هوة واين ) نعم ,, الزهرة و ما ادراك مالزهراء ؟؟ هاي اللي قال عنهة الرسول فاطمة مني و ( ما اريد حمص بطحينة , لا تثبريني ) وعمر طكّاهة بالباب و طيح الجنين و .....
رجع ( السائر على خطى السلف الصالح !!) أستلم المايك و حس طكة قوطية البيرة الجديدة يهلهل :
- لك انتو يا ولد الـ طوووووووووط , تهينون سيدنا علي برواية اسقاط الجنين الكاذبة , شلون علي يسكت على عمر ؟؟ والله لو صدك هاي الحادثة صايرة كان انكلبت الــ ( انكلبت البيرة على الكي بورد !! دير بالك زمال !!), وأجتمعت الأمة بالسقيفة و أختارت أبا بكر و ( فضوهة عاد , مسحو الميز و شيلو القواطي الفارغة , خلونا نلغي !! ) و انتهى الخلاف ...
قمز ( الموالي لآل البيت ) وخمط المايك و سمعنا رنة الكلاص وهو ينردم بالبطل و بعدين زأر و هو كوّة يبلع ريكة :
- ولك النبي يكول منزلة علي مني كمنزلة هارون من موسى , و بالغدير كل الصحابة بايعو علي بن ابي طالب و عمر نفسه كال لأبنه عبد الله ( أبني , خلّي أمك تحميلي العشا )!! يا بني أن عليـّا أحب الخلق لرسول الله ,, بعد يا سقيفة تسولف عليهة ؟؟ بيعة الغدير قبل السقيـ
انخمط المايك من الموالي و ما سمعنا الا ضحكة السلفي وهو يرد :
- الغديـر قبل بغداد الجديدة !! هعهعهعهعهاااااااااع ,, اخ الـ طووووووووط , صفوي نجس ,, يا غدير يا بطيخ ؟؟ المهاجرين و الأنصار بالسقيفة , كلهم مدو أيدهم ( واللي يمد أيده على الجرزات اكسرهة , يللة كومو منا ) وبايعو الصديق - تريوعة - ,, تسمع ولك ؟؟ كلهم المهاجرين و الانصار ....
الموالي التقي , دخنت عيونة و ما كدر يخمط المايك ,, أستلم التيكست :
- يا ناصبي يا قذر يا ابن الـ طوووووووط ,, يا أنصار هذولة ؟؟ بس لا أنصار الحزب الشيوعي ؟؟ خخخخخخخخخ , يكول أنصار أبو خنّينة ,, أبوك على امك الـ طوووووووووووووط ,على ابو السعوديين عمامك ,, روح سولف قصة البيعة لمرتك الكندية !!!
وهذاك السلفي الورع بعده سايك بالمايك :
أمك على اختك الطووووووووط على اخت الأيرانيين رياجيل أمك الـ طوووووووووووووووووووط , عودين سوي (بارتي) لمرتك الدنماركية بيوم الغدير
وأستمر النقاش الهادئ في جو ملؤه المحبة و التسامح و اشترك فيه كل السكارى من اتباع السلف الصالح و موالي ال البيت الطاهرين وكان المشجعون من سنة السعودية و الكويت و شيعة البحرين و لبنان يتسابقون في هتك أعراض العراقيات سنيـّاتهن و شيعيـّاتهن !!! و(الأخوة) في الوطن من ديانات أخرى , يتضاحكون و يعلـّقون على التيكست شامتين وكأن الأمر لا يعنيهم !! , بينما كان البانر يزهو بشعار
أخوان سنة و شيعة ,, هذا الوطن منبيعة !!!!!!!!!!
وعار اخوته , الأونر و صبيانه الآدمنية , سعدااااء جداً بتسلق غرفتهم لقائمة الغرف الأكثر عدداً .... عادي , لا غيرة و لا غرغرة
ــــــــــــــــــــــــــــــــــــــــــــــ
يا جماعة الخــــــــير , يعني خالكم بسمار يو عاف السكارى التخرط بالسياسة و الغزل و الحرشة بالبرايفت , ونعل سلفة سلفاهم لهذولة الطوووووووووووووووووووووووط ولد السـطّعش طوووووووط , اللي تطاولو على نبل و طهارة و شرف الأسماء الخالدة اللي ذكروهة بأفواههم النتنة ... وسمحو لنفسهم و لسرابيت ولقطاء الدول المجاورة بنهش أعراضنا ,, هماتين أحد يزعل عليـّة ؟؟ هماتين يطلعلي سربوت يبيع براسي اخلاق ويكلي لالة ؟؟ هم تشتغل المزايدات وأدعاء الحرص على شرف ( الكندية ) و ( الدنماركية ),, وطز بالعراقيات اللي استلموهن مربعتين التيوس ازواج الكندية و الدنماركية ؟؟؟؟؟؟؟؟؟!!!!!! هماتين راح تصير استعراضات للغيرة و الشهامة على اللبنانية نادين و السعودية لولوة ؟؟ و طز بزينب البصراوية و خديجة المصلاوية ؟؟!!!!!!!!
ما أظنـّن منصف , صاحب غيرة يزعل على حجي بسمار , واليزعل يزعل و آنة غلام أبوي
خالي الزاير هسة عرفت ليش كلتلك مراهقي البيك الثاني و محللين سياسة التبولة واللبلبي يهونون ؟؟؟؟
ولنا عودة , إذا ما دكـلي أدمن الجدار أغنية : يا مسربتني و ...... لزّمني الباب !!!
عدل سابقا من قبل بـــســمــار في الأحد يوليو 26, 2009 6:57 am عدل 1 مرات
