الرئيسية
أحدث الصور
أحمد عبد الحسين : تستاهل !
صالح الحمداني
صالح الحمداني
فلوس مصرف الزويه : مالت الخلفوك ؟
خالتك : عدها رصيد بيه ؟
حبوبتك : بطاقتها الذكيه صادره منه ؟
جدك : المات وهو ما لابس لباس راهن أملاكه بيه ؟
إنتو ليش ما تستحون ؟
وما عدكم حيا حضوري ،
ولك : خبصت الدنيا ، وكلبتها كلاب ، هاي سربوت : شعليك ؟
مو جنت دايح بأوروبا ، ما أدري بكندا ؟ وجابوك ، ولفوك بجريدة الصباح ، وحطوك سكرتير تحرير : وإنت ما تعرف صدر الدجاجه من ظهرها !
حاير بالمستفعلن فاعلن ويه ذوله ربعك الحداثويين !
إشعرفك بالبطانيات ؟ وأسعار البطانيات ؟ وأم النمر ؟ وأم العكركه ؟
هاي فكر : لي هسه تتغطون ببطانيات عسكريه !
هاي ملعون : حاط راسك براس السيد النائب ، شفته جنه كيس طحين ، ورقبه سز ، عبالك تكدرله ،ولك هذا يسويك ماسحه بمرافقات كراج العلاوي !
هاي ترس : تريد تسيئ للرموز الوطنيه !
ولك بعثي ، عفلقي ،علماني ،ناصبي ، سلفي ، شيوعي ، حاقد !
حركت دم فضيلة الشيخ ، وإنت لاحسب ولا نسب .
ولك والله خبلتونا : ننطيكم بطانيات ونسويكم أوادم : متقبلون !
ما ننطيكم : متقبلون !
إنحلفكم بالعباس : متقبلون !
لعد بيش نحلفكم : بشرفكم ؟
هاي كاوليه !
طيب الله أنفاسكم .
